ខេត្តរតនគីរី ៖ ​គ្រោះថ្នាក់​ចរាចរណ៍​មួយ​រវាង​ រថយន្តដឹកអ្នកដំណើររបស់ក្រុមហ៊ុន រតនៈសម្បត្តិ និង​ម៉ូតូ​កង់​បី បណ្តាលអោយព្រះសង្ឃ៤អង្គ ទទួល​រងរបួស​ធ្ងន់និង​ស្រាល​ កាលពីម៉ោងជាង៨ព្រឹកថ្ងៃទី៨​ខែមីនា នៅកំណាត់​ផ្លូវជាតិ​លេខ​៧៨ ទល់មុខ​វត្ត​ត្រពាំង​ច្រេស ស្ថិតនៅ​ក្នុងភូមិ​១ ឃុំ​ត្រពាំងច្រេស ស្រុក​កូន​មុំ​ខេត្តរតនគីរី។​

យោងតាម​របាយការណ៍​របស់​អធិការនគរបាល​ស្រុក​កូន​មុំ​បាន​ឲ្យ​ដឹងថា ព្រះសង្ឃ​៤​អង្គ​ដែល​រង​របួស​ធ្ងន់​និង​ស្រាល​មាន​ព្រះនាម ១,​ព្រះនាម​ បេ​ប កែវរត្រ័​សុវណ្ណ​ស៊ិន ព្រះ​ជន​១៦​ព្រះវស្សា រង​របួស​ធ្ងន់​។ ២,​ព្រះនាម សាគុណ ភា​រុណ ព្រះ​ជន​១៨​ព្រះវស្សា រងរបួស​ធ្ងន់​។ ៣,​ព្រះនាម ក ខាំ​លីន​ព្រះ​ជន​១៥​ព្រះវស្សា រងរបួស​ស្រាល​និង​៤,​ព្រះនាម សុខ​ឃឿន​ សារឿ​ម ​ព្រះ​ជន​១៧​ព្រះ​វស្សា រងរបួស​ស្រាល ព្រះសង្ឃ​ទាំង​៤​អង្គ​ខាង​លើ​នេះ​គង់នៅ​វត្ត​ត្រពាំង​ច្រេស ស្រុក​កូន​មុំ ខេត្តរតនគិរី​។

ADVERTISEMENT

ក្នុងរបាយការណ៍ដដែលបន្តថា រថយន្ត​បង្ក ម៉ាក​ហ្វ​ត​ពណ៌ទឹក​ប៊ិច ពាក់​ផ្លាក​លេខ​រតនគិរី 3A-3233 អ្នក​បើកបរ​ក្រោយ​កើតហេតុ​បាន​ចុះ​រត់គេចខ្លួន​បាត់ស្រមោល​។​ រីឯ​ម៉រីឯម៉ូតូកង់បី​(​ឥណ្ឌា​)​ពណ៌​ក្រហម​ពាក់​ស្លាក​លេខ​ភ្នំពេញ​1HE-2219 អ្នកបើ​កបរ​ឈ្មោះ សុខ ឃឿន​សាវឿន ភេទ​ប្រុស អាយុ​១៩​ឆ្នាំ ស្នាក់នៅ​វត្ត​ត្រពាំង​ច្រេស គ្មាន​របួស បាន​ដឹក​ព្រះសង្ឃ​ចំនួន​៤​អង្គ មកដល់​កន្លែងកើតហេតុ​ក៏បាន​ប៉ះគ្នា​ជាមួយនិង​រថយន្ត​ខាងលើ​តែម្តង​បណ្តាល​ឲ្យ​ព្រះសង្ឃ​ដែល​គង់​លើ​ម៉ូតូ​កង់​បី​រងរបួស​ធ្ងន់​ស្រាល​ទាំង​៤​ព្រះអង្គ​៕

LEAVE A REPLY

Please enter your comment!
Please enter your name here