ភ្នំពេញ៖ លោក សុខ ពេញវុធ ប្រធានគណៈបញ្ជាការឯកភាព និងជាអភិបាលនៃគណៈអភិបាលខណ្ឌដូនពេញ បានដាក់បទបញ្ជា អោយលោក ម៉ុក ច័ន្ទករុណា អភិបាលរង ដឹកនាំកម្លាំងគណៈបញ្ជាការឯកភាពចុះអនុវត្តវិធានការរដ្ឋបាល ឃាត់ខ្លួនមនុស្សប្រុសស្រីចំនួន១៦នាក់ និងធ្វើកំណត់ហេតុបិទទីតាំងជាបណ្តោះអាសន្ន ដែលបានលើ្មសពីគោលការណ៍ណែនាំរបស់រាជរដ្ឋាភិបាល និងរដ្ឋបាលរាជធានីភ្នំពេញ ក្នុងអំឡុងពេលអនុវត្តវិធានការបណ្ដោះអាសន្នដេីម្បីទប់ស្កាត់ក្នុងការរីករាលដាលជម្ងឺកូវីដ-១៩ផងដែរ។

ប្រតិបត្តិការនេះដឹកនាំដោយលោក ម៉ុក ច័ន្ទករុណា អភិបាលរងខណ្ឌដូនពេញ ចុះបង្ក្រាប់ ទីតាំងinternet មួយកន្លែងនៅចំណុចក្បែរផ្សារសូរិយា ស្ថិតនៅផ្ទះលេខ១៥ ផ្លូវលេខ១៧២ សង្កាយ់ផ្សារថ្មីទី៣ ខណ្ឌដូនពេញ នៅវេលាម៉ោង០៨យប់ ថ្ងៃសៅរ៍ ១៣រោច ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១០ ខែមេសា ឆ្នាំ២០២១។

លោក អភិបាលរងខណ្ឌបានលើកឡើងថា បន្ទាប់ពីទទួលបទបញ្ជាពីលោក សុខពេញវុធ អភិបាលខណ្ឌដូនពេញ លោក បានដឹកនាំកម្លាំងគណៈបញ្ជាការឯកភាព ចុះបង្ក្រាប់ជាក់ស្ដែងនៅទីតាំងinternet ដែលមិនគោរពតាមវិធានការរបស់ក្រសួងសុខាភិបាលនិងសេចក្ដីណែនាំរបស់រាជរដ្ឋាភិបាល ដើម្បីទប់ស្កាត់ការរីករាលដាលជម្ងឺcovid19 ឡើយ ដោយបានបើកទទួលភ្ញៀវញៀនល្បែងស៉ីសង ប្រមូលផ្ដុំគ្នា។ ក្នុងប្រតិបត្តិការនេះដែរ កម្លាំងគណៈបញ្ជាការ បានឃាត់ខ្លួនមនុស្សនៅក្នុងទីតាំងinternet ចំនួន១៦នាក់ និងដកហូតកំព្យូទ័រ សម្ភារៈផ្សេងៗទៀតមួយចំនួន យកទៅអធិការដ្ឋាននគរបាលខណ្ឌដូនពេញ។

បច្ចុប្បន្ន មនុស្សប្រុសស្រីទាំង១៦នាក់ក្នុងនោះស្រី៣នាក់ រួមទាំងវត្ថុតាង នាំយកទៅរក្សារទុក និងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌដូនពេញ ដើម្បីចាត់ការតាមនីតិវិធី៕

LEAVE A REPLY

Please enter your comment!
Please enter your name here