ភ្នំពេញ ៖ លោក សុខ ពេញវុធ អភិបាលខណ្ឌដូនពេញ នៅ ថ្ងៃសុក្រ ទី២៦ ខែមិថុនា ឆ្នាំ២០២០ បាននាំយកអំណោយ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ចុះសាកសួរសុខទុក្ខ សំណេះសំណាល និងផ្សព្វផ្សាយអំពីវិធានការបង្ការ និងទប់ស្កាត់ការរីករាលដាលនៃជម្ងឺ Covid-១៩ ដល់បងប្អូនប្រជាពលរដ្ឋក្រីក្រ ក្នុងសង្កាត់ផ្សារថ្មីទី៣ ចំនួន ៤៨គ្រួសារ។

ឆ្លៀតក្នុងឱកាសនោះ លោកអភិបាលខណ្ឌក៏បានផ្តាំផ្ញើការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត លោកជំទាវគតិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និង ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ព្រមទាំងបានផ្សព្វផ្សាយក្រើនរំលឹកបន្ថែមអំពីវិធានការបង្ការ និងទប់ស្កាត់ការរីករាលដាលនៃជម្ងឺ កូវីដ -១៩ ដល់បងប្អូនប្រជាពលរដ្ឋ ផងដែរ។

ADVERTISEMENT

ស្របនឹងកិច្ចសួរសុខទុក្ខ និង សំណេះសំណាល លោក អភិបាលខណ្ឌ ក៏បាននាំយកអំណោយចែកជូនដល់បងប្អូនប្រជាពលរដ្ឋទាំង ៤៨គ្រួសារ ដោយ មួយ គ្រួសារទទួលបាន៖ អង្ករចំនួន២៥គីឡូក្រាម/៤៨គ្រួសារ មីជាតិចំនួន០១កេស, សាប៊ូលាងដៃចំនួន០៤ដុំតូច, ទឹកត្រី១យួរ ថ្នាំដុះធ្មេញចំនួន ០១ឡូ សម្រាប់ប្រើប្រាស់ប្រចាំថ្ងៃផងដែរ៕

LEAVE A REPLY

Please enter your comment!
Please enter your name here